Bruce Willis po largohet nga aktrimi si pasojë e diagnostifikimit me afazi, një sëmundje në tru, që ndikon në aftësinë për të komunikuar. Familja e tij e ka njoftuar lajmin përmes rrjeteve sociale, konkretisht ish-gruaja e Bruce, Demi Moore, e cila e dha lajmin përmes një postimi në Instagram.
Vetëm pak orë më parë ajo bëri një postim prekës për ish-burrin e saj. Në foton e postuar duket Bruce i buzëqeshur me syze dielli. Foton Demi e ka shoqëruar me shkrimin e mëposhtëm.
“Për mbështetësit e mrekullueshëm të Bruce, si një familje ne donim të ndanim që Bruce jonë i dashur po kalon disa çështje shëndetësore dhe së fundmi është diagnostikuar me afazi, që ka ndikuar në aftësitë e tij në të folur. Si rezultat i kësaj, Bruce po bën hapa pas në karrierë dhe kjo ka patur shumë rëndësi për të.
Kjo është vërtet një kohë sfiduese për familjen tonë dhe ne e vlerësojmë shumë dashurinë tuaj të vazhdueshme, dhembshurinë dhe mbështetjen. Ne po e kalojmë këtë si një familje e fortë e bashkuar, dhe donim që t’i njihnim fansat me këtë sepse ne e dimë sa shumë vlen ai për ju, aq shumë sa ju për atë.
Siç thotë gjithmonë Bruce, “Jetojeni jetën sikur të jetë dita e fundit” dhe së bashku kështu e planifikojmë.
Me dashuri Emma, Demi, Rumer, Scout, Tallulah, Mabel & Evelyn”.
Dyshja kanë qenë të martuar që nga viti 1987 deri në vitin 2000, por kanë mbetur miq të mirë edhe pas ndarjes./revistawho.com
