Dy shpërthime kanë tronditur këtë mëngjes rreth orës 08.00 zemrën e Europes, Brukselin. Shpërthimet kanë ndodhur në aeroportin Zaventem në Bruksel. Rreth një orë më pas një tjetër shpërthim ndodhi në stacionin e metrosë në Malebeek, pranë institucioneve europiane. Nuk dihen ende shkaqet e shpërthimit por raportohet për dy bomba. Mediat belge paraprakisht raportojnë për 17 viktima dhe 40 të plagosur. Shpërthimet vijnë 4 ditë pas arrestimit të terroristit Salah Abdeslam, i dyshuari kryesor për sulmet e Parisit në nëntor. Sipas mediave belge janë pezulluar fluturimet ndërsa njerëzit janë evakuar nga aeroporti. “Mos shkoni në aeroport. Aeroporti është evakuuar. Fluturimet janë anuluar. Mos kaloni pranë aeroportit,” shkruan në ‘Twitter’ aeroporti i Brukselit.
https://www.youtube.com/watch?v=y60wDzZt8yg
