Jemi mësuar tashmë me emra të ndryshëm personazhesh telenovelash, që na bëhen si njerëzit e shtëpisë, aq shumë sa i dëgjojmë e ua njohim historitë e jetëve të tyre. Por nëse deri tani ua kemi hapur dyert meksikaneve, brazialinëve, indianëve e sidomos turkqve, tashmë ka ardhur momenti të pranojmë në shtëpi edhe grekët, Melisën e bukur dhe dy meshkujt e jetës së saj Akilin e Sifisin. Rreth këtij trekëndëshi të rrezikshëm e pothuajse fataj ndodh gjithcka e bukur por dhe e frikshme.
Po flasim për telenovelën “Brusko” që do të nisë këtë të hënë, me datë 2 tetor, ora 20.00 në In Tv. Duke ju referuar të dhënave në internet që thonë se është telenovela më e sukseshme për momentin në Greqi dhe e shitur në 40 vende të botës, jo vetëm në Evropë, në Ukrainë, Estoni, Slloveni por edhe në kufijtë e përtejmë, në Lindjen e Mesme, në Azi, në Amerikën Latine, Izrael, Arabinë Saudite, Emiratet e Bashkuara, Argjentinë, Kolumbi, Peru, Meksikë, Venezuelë, Panama, Kili…nuk ka gjasa që “Brusko” të mos përthithet dhe nga Shqiptarët.
Eshtë një telenovelë që sjell pasione e intriga të mëdha, hakmarrje, mistere që të zhysin në udhë pafund.
Por cila është linja kryesore e kësaj telenovele që po bën namin nëpër botë? Dy të rinj, Melisa dhe Akili, ndërsa mblidhen me miqtë e tyrë në festat përkatëse të beqarisë, një ditë para ditës së dasmave, njihen e dashurohen marrëzisht me njëri- tjetrin
Pikërisht ajo do të ishte nata që do t’ua shembte që të dyve, dashuritë që kishin besuar se i kishin deri në atë moment.
Ndoqën megjithatë fatet që i prisnin. Ajo u martua. U martua edhe ai. Jeta e tyre nisi të rridhte në rutinën e mërzitshme, derisa një ditë, një tjetër çast fatal i puqi sërish, si për ta vulosur për fare në ishte bekimin apo mallkim e gjithë ajo dashuri!? A do të prishen martesat? A do të përmbysen fatet nga tradhtitë?
Kjo është një prej dilemave, një prej dramave që kërkon zgjidhje në telenovelën më të suksesshme, të viteve të fundit, prodhuar në Greqi, në 2013-ën, me autorësi të Vana Dimitriou.
Sekreti i Melinës dhe Arqilesë është vetëm maja e ajsbergut. Konfliktet janë shumë më të thella e më të hershme mes familjeve të dy burrave të jetës së saj.
Misteri është gati për t’u zbuluar edhe në Shqipëri, përmes ekranit të In TV, çdo ditë, nga e hëna në të premte, në orën 20.00./ revistawho.com
