Pjesa më e madhe e njerëzve janë në dilemë nëse duhet të zgjedhin mes bukës së bardhë apo asaj të zezë. Duhet kuptuar se cila prej tyre është e shëndetshme për të zgjedhur më pas se cila duhet konsumuar.
Buka e bardhë është praktikisht e zhveshur nga çdo lloj vlere ushqyese, duke përfshirë këtu fibrat. Gjatë përgatitjes së bukës së bardhë, mielli zbardhet për ta bërë të bardhë duke përdorur kimikate të ndryshme. Pavarësisht se këto kimikate përdoren në sasi të vogël, gjithsesi mund të konsiderohen si të dëmshëm për shëndetin. Megjithatë kjo nuk do të thotë se duhet menjëherë të zgjidhni bukën e zezë. Pavarësisht se thuhet se buka e zezë përmban më shumë fibra se ajo e bardhë, ajo që tregtohet në përgjithësi është bukë e bardhë e ngjyrosur. Gjithashtu mos e quani bukën të shëndetshme nëse shikoni se ajo ka disa fara sipër, sepse është e njëjta bukë, por që shitet në një formë tjetër. Duhet të zgjidhni gjithmonë një bukë të zezë që është e bëra e gjithë me miell gruri, duke qenë se ai është më i pasur në fibra. Kjo lloj buke përmban edhe vitaminë B, magnez, hekur, fosfor, zink. /revistawho.com
