Marigona, 24-vjeçarja shqiptare nga Kosova, e cila u bë e njohur pas një transmetimi live gjatë ndeshjes Olympiacos – Villerban, ndodhet tani në qendër të një beteje ligjore me autoritetet greke.
Pasi u shfaq në ekran si shikuese e thjesht, bukuria e saj tërhoqi vëmendjen e publikut të gjerë, por kjo famë u bë pikërisht shkaktare për problemet ligjore me të cilat ajo po ndeshet.
Më 29 dhjetor 2023, ajo ishte arrestuar gjatë një kontrolli rutinë pasi nuk dispononte dokumentacion të vlefshëm për qëndrimin e saj në Greqi. Por pas “momentit të saj të famës”, autoritetet vendosën ta ndalonin përkohësisht dhe urdhëruan largimin e saj nga Greqia brenda një muaji.
Megjithatë, Marigona, e cila jeton në Greqi prej vitit 2018 dhe ka punuar në shërbime kujdestarie dhe katering, po e lufton këtë vendim pasi nuk pranon të largohet.
Ajo ka nisur një betejë ligjore për të anuluar procesin e dëbimit, duke argumentuar se miqtë, puna dhe ëndrrat e saj janë të lidhura ngushtë me Greqinë.
“Miqtë e mi janë këtu, puna ime, ëndrrat e mia. Nuk di si ta nis nga e para,” deklaroi ajo, duke refuzuar idenë e largimit nga vendi që e konsideron shtëpinë e saj.
