Kanë bërë operacione plastike? Në qoftë se po, sa? Këto janë pyetjet që ngrihen shpesh për shumë nga vajzat e ekranit. Janë të pakta ato personazhe që pranojnë ndërhyrjet plastike të kryera dhe që për shumëkënd janë lehtësisht të dallueshme. Aurela Hoxha, është një nga personazhet më të përfolura për ndërhyrje plastike, por së fundi bukuroshja e ka thyer në batutë këtë fakt dhe në kuadër të shakasë ka pranuar se përveç buzëve ka kryer edhe një operacion tjetër. “Përveç buzëve, na trego të paktën një tjetër operacion që ke bërë?”, – është pyetur Aurela në emisionin “Shiko Kush Luan” të moderatores Luana Vjollca. “Jo kësaj herë nuk do e mohoj, do e pranoj, kam bërë gishtat e këmbëve”, – u përgjigj Hoxha me humor.
Vajzat VIP duket se e kanë kapur keq me gishtat e këmbëve këto kohë, pasi e ftuar në të njëjtën studio, këngëtarja Nora Istrefi ka thënë se një nga gjërat që nuk i pëlqen në trupin e saj, janë pikërisht gishtat e këmbëve. Ikona e bukurisë shqiptare, Valbona Selimllari, po ashtu ka thënë se nuk i pëlqen gishtat e këmbëve. Tani, jemi të gjithë kuriozë të shohim sesi i kanë gishtat e këmbëve vajzat më të bukura të showbiz-it. / revistawho.com
