BURG AKTORES/ Anuloi spektaklin me justifikimin se ishte sëmurë, Ornella Muti shkoi në darkën e Vladimir Putin

Kohë të vështira për aktoren Ornella Muti të cilës një gënjeshtër “e vockël” po i kushton shumë. Gjykata e Triestes e ka dënuar atë me 6 muaj burg dhe 500 euro gjobë sepse anuloi një spektakël në teatrin “Verdi” në “Pordenone”. Ajo kishte munguar me justifikimin se ishte e sëmurë. Në të vërtetë artistja e famshme italiane e cila përflitet për lidhjet e ngushta së fundmi me Rusinë, është parë po atë natë në një darkë bamirësie organizuar në Shën Pjetërburg nga Vladimir Putin. Ajo u akuzua nga gjykata për mashtrim e vjedhje, dhe që ka detyruar mjekun të firmosë një dokument fals. Mësohet se aktorja ka dërguar edhe çertifikatën mjekësore ku shënohej se vuante nga laringiti e nuk mund të paraqitej në punë. Por në mbrëmjen e të njëjtës natë ajo është paraqitur në një darkë mondane ku të pranishëm ishin aktori i famshëm Kevin Costner dhe presidenti rus Putin./ revistawho.com