Burg të moshuarës nga Tirana, vodhi antidjersë dhe krem në supermarket

Gjykata e Tiranës ka dënuar me 3 muaj burg një të moshuar, pasi u shpall fajtore se kishte vjedhur një antidjersë dhe dy kuti të vogla kremi në një supermarket. Por për shkak të moshës së thyer, është pezulluar dënimi me burg dhe e moshuara është dënuar me 18 muaj lirim me kusht. Ngjarja ka ndodhur më 16 qershor të vitit 2015, rreth orës 10:20 në rrugën “Reshit Collaku”, prapa pallateve “Agimi”, raporton “Panorama”. E moshuara 65­vjeçare e identifikuar me inicialet A.D. ka hyrë në supermarketin e shtetasi E.XH. dhe ka marrë një antidjersë dhe dy kuti të vogla kremi për fytyrën, duke i futur në një çantë të zezë. Menjëherë pasi ka konstatuar vjedhjen, kallëzuesi ka dalë me vrap nga marketi dhe e ka ndaluar të moshuarën disa metra më tutje. Kjo e fundit i nxori produktet e vjedhura nga çanta dhe i hodhi në rrugë. I gjithë malli kushtonte 18 mijë lekë të vjetra. Pas kësaj, pronari i supermarketit e kallëzoi penalisht të moshuarën, e cila u deklarua fajtore pas vendimit të gjykatës