Pak ditë më parë Butrint Imeri publikoi këngën e tij më të re, “M’ke rrejt”. Në vetëm 3 ditë kënga e tij u kthye në hit dhe tashmë numëron me miliona klikime në “YouTube”. “M’ke rrejt” është një këngë mjaft ritmike dhe Butrinti e ka sjell edhe në një tjetër version për fansat e tij.
Këngëtari ka publikuar në ‘Instagram’ një video në të cilën e këndon “M’ke rrejt” në versionin akustik. Në këtë mënyrë ai ju ka vërtetuar edhe një herë të gjithë atyre që dyshojnë tek zëri i tij, se është shumë i talentuar në muzikë. Përkrah videos së këngës Butrinti ka shkruar diçka për të gjithë fansat dhe bashkëpunëtorët e tij. “Jam pafund i lumtur me suksesin e këngës ‘M’ke rrejt’ dhe jam shumë mirënjohës ndaj gjithë bashkëpunëtorëve që më kanë ndihmuar për ta bërë këtë projekt kaq të madh. Po ashtu, ju falenderoj shumë të gjithë juve për këto komente kaq të mira që nuk i keni kursyer asnjë çast dhe të gjitha videot që po më dërgoni vazhdimisht. Uroj t’i kaloni festat sa më mirë nën tingujt e këngës ‘M’ke rrejt’ dhe të gjitha këngëve të tjera që ju bëjnë të lumtur në ditët e fundit të këtij viti që po lëmë pas”, ka shkruar Butrinti në postimin e tij.
https://www.instagram.com/p/B6OB8bWl-Gv/?igshid=le3wr5xb0k4d&fbclid=IwAR3C6Gb2poQQZuorzV78eZFZHVpXF_6mT0TrihkvJMkIHVDYGX4AeNCnEbI
Kujtojmë se këngëtari është mjaft aktiv në muzikë dhe se gjatë 2019-tës ka publikuar disa këngë që janë kthyer menjëherë në hit. /revistawho.com
