Një nga këngëtarët më të dashur të publikut shqiptar, Butrint Imeri është përpjekur të tregohet tepër i rezervuar përsa i përket jetës së tij private. Ai ka publikuar herë pas here projektet muzikore, të cilat janë kthyer menjëherë në hite, duke e mbajtur vëmendjen e fansave larg njerëzve të tij më të dashur.
Megjithatë së fundmi ai ka bërë një përjashtim, duke ndarë në llogarinë e tij në ‘Instagram’ një foto pranë të atit. “Gëzuar ditëlindjen bab, 51-vjeç”, ka shkruar Butrini në foton ku shfaqet me një nga njerëzit më të rëndësishëm në jetën e tij. Ajo çfarë bie në sy është ngjashmëria tepër e madhe që artisti ka me të. Kjo është hera e dytë që Butrinti publikon një foto me familjarët, pasi disa ditë më parë kishte pozuar krah gjyshit të tij.
Kujtojmë se Imeri ka qenë në qendër të mediave rozë dhe për shkak të dyshimeve të një lidhjeje të mundshme midis tij dhe moderatores Kiara Tito, megjithatë vetë ata i kanë mohuar gjithmonë këto zëra./revistawho.com
