Gjatë gjithë këtyre muajve të fundit, Kiara Tito dhe Butrint Imeri kanë qenë dyshja më e përfolur në showbiz-in shqiptar. Disa herë është thënë se ata janë në një lidhje së bashku, megjithatë as njëri e as tjetri nuk e kanë pranuar këtë gjë. Madje në një emision Kiara e ka mohuar kategorikisht lidhjen me këngëtarin, duke thënë se nuk mund të mbahet një marrëdhënie në distancë.
Megjithatë duket se Kiara dhe Butrinti do t’i vazhdojnë ngacmimet dhe provokimet për publikun duke ngritur sërish dyshime. Ditën e sotme, Butrinti ka publikuar këngë e tij më të re ‘Alea’ dhe Kiara ka qenë ndër të parët që ka treguar mbështetje dhe ka shpërndarë këngën e Butrintit. “Sapo gjeta këngën që do mbetet në mendjen time gjithë verës”, – ka shkruar Kiara. Për më tepër duhet thënë se është hera e parë që moderatorja simpatike shpërndan projektin e një këngëtari shqiptar në ‘Instagram’-in e saj personal. /revistawho.com
