Jennifer Lopez dhe Ben Affleck do të mbajnë dasmën e dytë këto ditë. Çifti pritet të mbajë një dasmë madhështore ku do të jenë shumë të ftuar VIP. Ceremonia do mbahet buzë lumit në pronat e Affleck, në Riceboro, Georgia. TMZ ka publikuar disa foto që tregojnë tavolina dhe karrige të vendosura përgjatë parketit mbi ujë dhe një tavolinë e veçantë për nusen dhe dhëndrin pranë pianos. Një barkë lundron në mes të ujit plot me fishekzjarre gati për të ndezur qiellin sapo të perëndojë dielli. Vila e Benit në Georgia ka gjithashtu një çadër të madhe dhe një korridor të gjatë ku nusja e tij mund të ecë. Ndërkohë të ftuarit po mbërrijnë një nga një në Georgia për ditën e madhe.
