Gjyqi i reperit amerikan Sean Diddy Combs, i akuzuar për shantazh dhe shfrytëzim seksual, është caktuar për tu mbajtur më 5 maj të vitit të ardhshëm.
Sipas prokurorit, gjyqi do të zgjasë të paktën tre javë.
Nëse shpallet fajtor, reperi përballet me 15 vite burg deri në burgim të përjetshëm.
Combs ishte i gatshëm të paguante deri në 50 milionë dollarë si garanci, duke ofruar rezidencën e tij prej 48 milionë dollarësh në Miami, si dhe shtëpinë e nënës së tij si kolateral.
Për më tepër, Combs i tha gjykatësit se ishte i gatshëm të mbante një monitor GPS, premtoi se do të kufizonte udhëtimin e tij në Miami dhe Nju Jork dhe pretendoi se do të shiste avionin e tij privat.
