Calvin Harris ishte një nga dj-të që performoi ditën e sotme në ‘Sunny Hill Festival’ dhe duket se ai e ka mbyllur festivalin në mënyrën më të bukur. Calvin ka publikuar një video në ‘Instagram’ me atmosferën që u krijua në Prishtinë, ku të gjithë të pranishmit mbanin në duar disa drita të vogla, teksa ai luante një nga këngët e tij më të njohura, ‘How Deep Is Your Love’. “Mbrëmje e çmendur në Prishtinë. Faleminderit Dua Lipa dhe Dukagjin Lipa për ftesën”, ka shkruar Harris krahas videos, duke falenderuar kështu publikisht këngëtaren shqiptare dhe babain e saj, i cili është dhe organizatori i festivalit. Muzika e tij duket se ka ‘ndezur’ të gjithë atmosferën, por me siguri dhe vetë Calvin e ka shijuar në maksimum pritjen e ngrohtë të publikut shqiptar./revistawho.com
https://www.instagram.com/p/B0yRbsSB2JL/?igshid=5bouhtk79j3t
