Camila Cabello ka postuar një shkrim në ‘Instagram’, ku ka shprehur hapur opinionin e saj në lidhje me një nga çështjet që hap debate çdo ditë: të qenurit perfekte. Gjithçka nisi nga dëshira e saj për të postuar një foto nga hiti ‘Havana’ në 2-vjetorin e krijimit të tij dhe siç duket, Camila ‘e kapi veten’ duke menduar për komentet negative, për faktin që ka celulit dhe të tjerët do ja vinin në dukje. Në përpjekje për të dhënë një mesazh për të gjitha vajzat e reja që njësoj si motra e saj e vogël po rriten të rrethuara nga mediat sociale dhe fotot perfekte të realizuara me photoshop, ajo u shpreh e xhindosur me këtë shoqëri që kërkon perfekten edhe aty ku nuk mund të ekzistojë.
“Trupi im nuk është prej guri, as me muskuj, por nuk ka rëndësi. Fundja ka edhe engjëj të këqinj. Më vjen keq për vajzat që po rriten në këtë botë që kërkon perfeksionin i cili nuk ekziston. Po shkruaj për të gjitha vajzat që njësoj si motra ime e vogël po rriten në ‘media sociale’. Ato shohin vazhdimisht postime të realizuara me photoshop dhe mendojnë se ai është realiteti. Sytë e të gjithëve janë mësuar me atë lloj perfeksioni sepse atë shohin dhe krejt papritur e shndërrojnë në normë. Nuk është e vërtetë! Është mashtrim! Dhe falsiteti po bëhet realiteti i së sotmes. Vajza, celuliti është normal, dhjami është normal. Është i bukur dhe natyral. Nuk jam djalli i së sotmes dhe uroj që as ju të mos jeni”, shkruan Camila.
Në një kohë kur të parët që sulmohen për çdo defekt apo problem që kanë janë personazhet e njohur të ekranit, këngëtarja dha një mesazh që të gjithë duhet ta dëgjojnë dhe të reflektojnë për përjetimet e tyre. / revistawho.com
