Camila Cabello ndihet fajtore, kërkon falje për komentet raciste të së shkuarës

Camila Cabello ka kujtuar komentet e saj raciste të së shkuarës dhe ka kërkuar publikisht falje për këtë gjë. “Kur isha më e vogël, kam përdorur një gjuhë për të cilën më vjen shumë turp dhe do të pendohem përgjithmonë. Isha e pa edukatë dhe injorante dhe pasi u bëra e vetëdijshme për historinë dhe për peshën e kuptimin e vërtetë pas asaj gjuhe të tmerrshme dhe të dhimbshme, ndihesha shumë e turpëruar që e kam përdorur”, ka shkruar Camila në një postim në “Instagram”. Më pas ajo ka vazhduar duke thënë: “Kërkova falje atëherë dhe kërkoj prapë falje tani. Nuk do e lëndoja asnjëherë me qëllim dikë dhe pendohem nga thellësia e zemrës sime… Nuk mund të kthehem pas në kohë dhe t’i ndryshoj gjërat që kam thënë në të shkuarën. Kur e di diçka më mirë, e bën më mirë dhe kjo është e gjitha çfarë unë mund të bëj”. Në hapat e parë të karrierës Camila përdorte shpesh fjalë që cilësohen fyese për një kulturë. Këngëtarja përdorte fjalë raciste me miqtë e saj dhe në postimet publike në rrjete sociale. /revistawho.com