Capital T ka ditur gjithmonë si të fitojë vëmendjen e të gjithë adhuruesve të tij duke sjellë projekte muzikore të cilat janë kthyer në hite menjëherë. I tillë ka qenë dhe ‘Kujtime’, e cila është cilësuar si një nga këngët më të preferuara të ndjekësve të Capital-it.
Së fundmi ai ka publikuar një video pranë instrumentistëve duke performuar një prej këngëve të fundit, ndërsa pas saj ka ndarë një foto bashkangjitur së cilës ka shkruar: “Së shpejti”. Mesa duket Capital ka menduar të sjellë një sezon me versionet akustike të këngëve më të pëlqyera të tij. Nuk dihet ende se kur këngëtari do t’i ndajë me publikun këto projekte, por pritet që t’i surprizojë të gjithë shumë shpejt.
Kujtojmë se kënga më e fundit nga ai ka qenë ‘Hookah’, e cila u publikua vetëm 3 javë më parë dhe deri më tani numëron 4 milionë klikime në kanalin e ‘Youtube’./revistawho.com
https://www.instagram.com/p/BxMqVdFgLO1/
