Sot është ditëlindja e reperit kosovar Capital T, e sigurisht urimet e shumta nga fansat e njerëzit e tij të dashur ishin të pritshme. Nëpërmjet një statusi në rrjetet sociale Capital T ka tërhequr vëmendje teksa ka treguar se ‘ka pasur ditë që nuk ka pasur asgjë’.
Postimi i plotë:
“Sot është ditëlindja ime e 24-ërt, kam kaluar shumë gjëra në jetë, ditë të mira e të këqia, ka patur ditë kur kam patur gjithçka dhe ditë tjera kur s’kam patur asgjë. Sot i kam të gjitha, por nga të gjitha këto, më i rëndësishëm është shëndeti edhe dashuria e njerëzve që i kam afër”.
“Vitet po ecin e dhurata më e shtrenjtë tek mua mbesin kujtimet që unë i kam që nga rrugëtimi im jetësor me familjen, shoqërinë e fansat të cilët e kanë pothuajse të njëjtin vend në zemrën time. Faleminderit të gjithve për urimet e për dashurinë që ma jepni çdo ditë”: përfundon shkrimin reperi, në këtë ditë të veçantë.
