Rrjetet sociale shihen si një matës suksesi për artistët në ditët e sotme. Shumë prej tyre kanë arritur miliona ndjekës, ndërsa të tjerët synojnë që ta arrijnë së shpejti këtë sukses. Së fundmi Capital T i është bashkuar personazheve të njohur me një milion ndjekës në ‘Instagram’, diçka jo e vogël për artistët shqiptarë. Për këtë arsye reperi ka falenderuar përmes një postimi në këtë rrjet sociale të gjithë fansat që e kanë mbështetur për vite me radhë. “Ja kemi nisur prej zeros. Faleminderit 1 milion, rrugë e gjatë e mbushur me dashuri e momente të paharrueshme bashkë. Pa ju gjithë suksesi im nuk do të kishte kuptim, vazhdojmë bashkë më të fortë se kurrë. Sinqerisht i juaji True Kapo”, ka shkruar Capital T në postimin e tij.
https://www.instagram.com/p/B00VevShHC5/?igshid=35n96o9lhqob
Kujtojmë se në 19 shtator reperi do të mbajë në Tiranë koncertin e tij të parë recital, që prej kohësh ka qenë ëndrra më e madhe e reperit. /revistawho.com
