Capital T nuk ka të ndalur. Nëpërmjet një postimi në Instagram reperi ka lajmëruar projektin e radhës, i cili do të publikohet në muajin shkurt. Ky projekt pritet të jetë një suprizë për të dashuruarit pasi këngëtari ka përzgjedhur një vend të veçantë si Parisi. Gjithashtu në foto ai ka pyetur të gjithë fansat e tij se si mund të jetë titulli i këngës. Mes shumë komentesh, vihet re ai i Bes Kallakut, i cili i thotë se me foton që ka hedhur titulli duhet të jetë: “Trim, dil e shif a ka drita katuni perball apo na kan ik vetem ne”. Ky koment nuk ka kaluar pa përgjigje nga reperi, i cili ka reaguar duke i thënë Besit se do i ndezë ai dritat së shpejti. Mund ta marrim këtë përgjigje si një paralajmërim që kënga pritet të jetë një super hit.
