Capital T është një nga këngëtarët më të suksesshëm shqiptarë. Ai ka publikuar disa projekte muzikore të cilat janë pritur mirë nga të gjithë adhuruesit e tij, por dhe janë kthyer menjëherë në hite.
Përveç muzikës, Capital T ka rënë në sy dhe për veshjet e pamjen e tij tepër të kuruar në çdo moment.
Nga fotot në ‘Instagram-in’ e tij dallon lehtë se këngëtari zgjedh të vishet me firmat më të njohura të rrobave.
Një tjetër detaj qe mund të dalloni është se këngëtari preferon shumë që veshjet e tij të kenë kuadrata brenda tyre. Nga kostumet serioze, pantallonat sportive dhe shallet në kohën e ftohtë, Capital ka zgjedhur gjithmonë t’i ketë me kuadrata.
Këngëtari ka ditur gjithmonë si të tërheqë vëmendjen maksimale të fansave të tij, jo vetëm me muzikën e tij, por dhe trendet që ai ka sjellë, ndaj dhe shpesh herë është cilësuar si një nga meshkujt më modern të estradës shqiptare./revistawho.com
