Reperi i famshëm shqiptar Capital T ka menduar të vijë krejtësisht ndryshe nga ç’e kemi parë deri më tani. Edhe pse këngëtari, i cili shquhet për stilin e tij është gjithmonë në qendër të vëmendjes, duket se këtë herë do të tërheqë si magnet të gjithë publikun. E gjithë kjo falë super projektit që do të sjellë në fund të muajit nëntor.
Kënga e re e cila do të titullohet “Pare Pare” i përket zhanrit hip-hop parodi dhe do të vendosë në lojë karaktere të ndryshme të çuditshme shqiptare.
Në fakt Capital T ka publikuar edhe më parë këngë që trajton një fenomen problematik të aktualitetit shqiptar, siç është materializmi i femrave që këngëtari e ka përcjellë më së miri me këngën “Posh”.
Por ndryshe nga kjo e fundit “Pare pare” duket se do të argëtojë masën me situate komike.
Me tekst të punuar nga vetë reperi, muzikë të Mixey, video nga Max Production dhe e punuar tërësisht nga Authentic Entertainment, kënga e re e Capital T pritet të jetë një super hit që do e bëjë diferencën nga këngët e tjera.
