Miqtë dhe familja e super modeles Cara Delevingne kanë frikë se duhet të bëjnë një ndërhyrje urgjente pasi kanë parë sjelljen e saj të egër të kohëve të fundit. Së fundmi, modelja britanike 30-vjeçare u detyrua të zbriste nga avioni privat i reperit Jay-Z në një aeroport të Los Anxhelosit. Fotot tronditëse nga The sun, e tregojnë atë duke bërë veprime të pakontrolluara, pa veshur këpucë, me flokë të shkatërruar dhe mavijosje në krahë. Sjellja shqetësuese e Cara-s vjen vetëm disa ditë pasi ajo u pa duke tymosur në makinën e saj. Një mik i ngushtë i tha The Sun: “Ne të gjithë jemi jashtëzakonisht të shqetësuar. Situata është krijuar prej disa javësh dhe familja e Carës është e përfshirë. Duhet të sigurohemi që Cara të marrë ndihmën që mund të ketë nevojë”.
