Cardi B ka mohuar pretendimet se ajo kishte tradhtuar bashkëshortin Offset. Reperi ka postuar një story në Instagram duke thënë se gruaja e tij ishte tradhtare dhe e fshiu pak më vonë.
Cardi B këndoi këngën “I Should’ve Cheated” (Duhet të kisha tradhtuar) nga Keyshia Cole përpara se të tregonte të vërtetën e saj.
“Mos i kushtoni vëmendje fshatarit. Unë jam Cardi B. Nëse do t’ia jepja këtë *** dikujt, do isha askush. Unë nuk ja jap gjithkujt. Nuk mund të shkoj me këdo. As në industrinë e muzikës nuk mund të shkoj me këdo sepse do tregonin. Pra, të lutem djalë, mos u bëj budalla. Mos luaj me mua”, tha Cardi.
Offset dhe Cardi B u martuan në një martesë të fshehtë në vitin 2017 dhe tre muaj më vonë një kasetë seksuale e tij me një grua tjetër u zbulua në internet. Ai thuhet se e ka tradhtuar të paktën dy herë, duke bërë që Cardi të paraqesë kërkesë për divorc përpara se të kthehet së bashku me Offset. Ata kanë dy fëmijë, një vajzë katërvjeçare Kulture dhe një djalë Wave.
