Cardi B njihet për jetën e saj luksoze dhe sigurisht që çdo dhuratë e tillë do e linte pa fjalë. Së fundmi reperja është surprizuar nga partneri i saj, Offset, jo me një, por me dy unaza diamanti në formë zemre. Ditën e djeshme Cardi ka festuar 27-vjetorin e lindjes dhe për ta uruar për këtë ditë speciale, Offset vendosi t’i dhuronte unazat. Në një video të publikuar në ‘Instagram’ reperja shihet tepër e emocionuar dhe në të shprehet: “Kam frikë ta hap. Po më rreh zemra fort”. Kjo dhuratë i ka pëlqyer shumë reperes dhe sapo i pa dy unazat u përlot.
https://www.instagram.com/p/B3ggPVsgC0E/
Por Cardi nuk ishte e vetmja që mori dhurata kaq të shtrenjta, sepse në ditën e saj të lindjes reperja publikoi një video në të cilën vajza e saj shihej e mbuluar me varëse floriri dhe diamante. “Duke festuar për mamin. E veshur nga mami”, ka shkruar Cardi bashkangjitur videos së vajzës së saj, Kulture.
https://www.instagram.com/p/B3gDaXxA3jU/
Pavarësisht se për disa kohë Cardi B dhe Offset kaluan një krizë në marrëdhënie, tashmë po bëjnë një jetë të lumtur familjare së bashku me vogëlushen e tyre. /revistawho.com
