Dy ditë më parë kur u shpallën nominimet për çmimet ‘Grammy’, u vu re se në listë ishte e përfshirë edhe kënga e Cardi B dhe Offset, “Clout”. Siç duket ky bashkëpunim mes dy prindërve ka marrë edhe aprovimin e vogëlushes së tyre, Kulture Kiari, së cilës i pëlqen shumë ritmi i këngës. Cardi B ka publikuar ditën e djeshme në ‘Instagram’ videon më të ëmbël të vajzës, në të cilën ajo shihet duke kërcyer me “Clout”. Gjatë kohës që kënga dëgjohet në sfond Kulture lëviz gjithë trupin, duke treguar se kënga i pëlqen shumë. “Gëzuar të premten! Kënga e preferuar e Kulture Kiari u nominua”, shkruajti Cardi B bashkangjitur videos së vajzës.
https://www.instagram.com/p/B5MFRhUAfCK/?utm_source=ig_embed
Kjo nuk është hera e parë që Kulture tregon se është fansja më e madhe e prindërve të saj, sepse e kemi parë shpesh të dëgjojë dhe kërcejë me këngët e tyre.
https://www.instagram.com/p/B3gDaXxA3jU/?utm_source=ig_embed
Cardi B ka treguar se është shumë e dedikuar ndaj vajzës së saj dhe se kalon shumë kohë më të. Më herët ajo ka zbuluar se nuk ka punësuar asnjë dado, pasi nuk ka gjetur një person të besuar dhe mbi të gjitha dëshiron të qëndrojë pranë të bijës. /revistawho.com
