Dy ditë më parë Cardi B vendosi të çaktivizonte llogarinë e saj në ‘Instagram’, pas kritikave të forta për çmimin e fituar në ‘Grammy’. Reperja u shpall fituese në kategorinë ‘Albumi më i mirë rap’, por shumë njerëz nuk ishin dakord, sepse sipas tyre nuk e meritonte. Megjithatë duket se Cardi B e ka marrë veten pas komenteve negative dhe ka vendosur të rikthehet sërish. Ditën e sotme ajo ka postuar një fotografi pranë Bruno Mars dhe ka paralajmëruar bashkëpunimin me këngëtarin.
Ajo publikoi gjithashtu edhe këngën e re të Offset, ‘Red Room’, për të mbështetur bashkëshortin e saj. Pavarësisht se marrëdhënia e tyre ka pasur probleme të shumta kohët e fundit, Cardi nuk ngurron të shprehë publikisht krenarinë për arritjet e partnerit të saj. /revistawho.com
