Cardi B fitoi këtë të dielë çmimin e albumit më të mirë rep në ‘Grammy Awards’, duke u bërë kështu e para femër që arrin të rrëmbejë këtë trofe. Por shumë njerëz për arsye qesharake nuk e mbështetën atë, megjithatë ka qenë këngëtarja Lady Gaga e cila i ka dalë në mbrojtje.
Ajo ka publikuar në ‘Twitter’, një status ku e ka quajtur 26-vjeçaren femër të guximshme. Më tej ajo ka shkruar: “Ne femrat punojmë kaq fortë në këtë industri dhe përballemi me sfida të tilla ofenduese, vetëm që të krijojmë art”. Ndër të tjera Gaga shtoi se Cardi B e meritoi atë çmim.
Ndonëse ishin të shumtë personat që dolën kundër kësaj fitoreje, duket se kjo gjë nuk e ka shqetësuar aspak Cardi-n. Ajo tashmë e ka trofeun në shtëpinë e saj./revistawho.com
