Tashmë nuk ka asnjë lloj dyshimi se fama e Valdrin Sahitit i ka kaluar kufijtë shqiptarë. Stilisti i njohur nga Kosova ka veshur shumë vajza të njohura në mbarë botën, si këngëtaret Chloe dhe Halle, Fantasia Barrino Taylor, Jade Thirlwall, Jesy Nelson, Hadise. Por lista e gjatë nuk mbaron me kaq, sepse së fundmi Valdrini ka treguar se ka stiluar diçka edhe për yllin e muzikës hip-hop Cardi B. Reperja është bërë pjesë e një spoti publicitar, ku janë përfshirë dhe shumë personazhe të tjerë të njohur, dhe ajo ka zgjedhur që të veshë një fustan të zi të punuar nga stilisti shqiptar.
https://www.instagram.com/p/B26D8O8J_ej/
Fustani duket perfekt në trupin e artistes së njohur dhe duket se Valdrini është kujdesur me detaje, ashtu siç bën për çdo stilim të tij. Në fakt ky bashkëpunim mes Cardi B dhe Valdrinit nuk erdhi i papritur, sepse 1 vit më parë reperja e famshme filloi të ndiqte stilistin shqiptar në rrjete sociale. Më pas Valdrin Sahiti i ftuar në “Xing me Ermalin” zbuloi se Cardi B kishte kërkuar numrin e tij të telefonit dhe se të dy kishin komunikuar në ‘Whatsapp’. /revistawho.com
