Kampion në fushë, por edhe kampion i festës! Pas triumfit të tij në US Open 2025, Carlos Alcaraz nuk humbi kohë për të shijuar suksesin. Tenisti 22-vjeçar u pa të dielën në klubin ekskluziv Chez Margaux në New York, i rrethuar nga modele dhe miq të afërt.
Sipas burimeve, Alcaraz darkoi me rreth 30 shokë të tij në lokalin e famshëm, por nuk piu asnjë gotë alkool. “Duket sikur ai ecën vetëm me energjinë e fitores,” tha një i pranishëm. Ndërsa Carlos qëndronte i qetë, shoqëria e tij “shkoi deri në fund” me festën.
Në festë nuk munguan modele shqiptare si Brianna Bardhi dhe Tika Camaj, të cilat ndanë edhe selfie me kampionin në rrjete sociale. Bardhi postoi një foto të buzëqeshur me Alcaraz, duke treguar se atmosfera ishte plot ëmbëlsira, gota shampanje dhe… shumë bukuri përreth.
Por kjo ishte vetëm fillimi. Alcaraz u bë pjesë edhe e afterparty-t të organizuar nga Raising Cane’s, ku shkëlqeu mes VIP-ave si Cardi B, Kid Laroi, Jamie Foxx, Lenny Kravitz, Jessica Alba, Lupita Nyong’o, Adrien Brody, Jon Hamm Ty Dolla $ign dhe Kevin Hart
Gjatë mbrëmjes, ai u fotografua duke biseduar me miliarderin Todd Graves dhe shefin e famshëm Jean-Georges Vongerichten.
I veshur thjesht me një bluzë të bardhë dhe pantallona të zeza, Alcaraz u pa të largohej nga klubi me një grup shokësh – dhe një vajzë misterioze që ngjalli kuriozitetin e të gjithëve. Më pas, ai përfundoi natën në *Amber Room*, ku festoi deri në 4 të mëngjesit në shoqërinë e J Balvin.
Edhe pse u rrethua nga modele të bukura, Alcaraz ka deklaruar disa herë se është beqar:
“Jo, jam single. Jam duke kërkuar dikë,” tha ai në një intervistë, duke shtuar se jeta e tenistit me udhëtime të vazhdueshme e bën të vështirë gjetjen e personit të duhur.
Në fund të ditës, tenisti jo vetëm që fitoi Grand Slam-in e gjashtë dhe riktheu vendin e parë në renditje, por tregoi se di të bëjë “game, set, match” edhe jashtë fushës.
