Frutat janë produktet ushqimore më të shëndetshme për trupin tonë. Doktorët gjithmonë rekomandojnë që çdo ditë të konsumojmë fruta të sezonit. Megjithatë duhet ditur se frutat nuk mund të konsumohen në çdo moment të ditës.
Frutat janë të pasura me vitamina, minerale, fibra, anti-oksidant dhe nuk ka kohë më të mirë se mëngjesi për t’i konsumuar dhe fituar të gjitha vlerat ushqyese të tyre. Gjatë mëngjesit sheqeri i frutave tretet më shpejtë dhe trupi merr të gjithë nutrientët e nevojshëm.
Por nëse konsumoni fruta përpara se të flini, duhet ta dini se po i shkaktoni vetes shumë probleme. Konsumimi i frutave përpara gjumit rrit nivelin e sheqerit në gjak dhe mund t’u mbajë zgjjuar gjithë natën.
Gjithashtu duhet të dini se është e nevojshme një diferencë prej 30 minutash mes konsumimit të vaktit dhe frutave. Nëse i konsumoni frutat përpara ushqimit ose direkt pas ushqimit do të keni probleme me tretjen dhe trupi juaj nuk do të marrë të gjitha vlerat ushqyese. /revistawho.com
