Termi “Nub” (ose “Noob”) ka bërë bujë në rrjetet sociale dhe është kthyer në një nga shprehjet më të përmendura të momentit, veçanërisht pas përdorimit të tij të shpeshtë nga Gjesti, konkurrenti i Big Brother VIP Albania.
Por çfarë do të thotë në të vërtetë kjo fjalë?
Në zhargonin e lojërave elektronike, “Nub” përdoret për të përshkruar një lojtar të ri, të papërvojë ose dikë që nuk arrin të kuptojë mekanikat e lojës. Në shumicën e rasteve, ka një kuptim negativ, duke sugjeruar se personi në fjalë nuk është në gjendje të përmirësohet apo të mësojë nga gabimet e tij. Në zhargon madje do të thotë “leshko”.
Interesimi rreth fjalës “Nub” u rrit edhe më shumë kur Ledion Liço e pyeti Gjestin për kuptimin e saj gjatë një prej mbrëmjeve live të spektaklit. Gjesti u përgjigj thjesht: “Është një term për fillestarët që përdoret nga game-erët.”
Tani që e dini, si mendoni a do dëshironte Gjesti ta thërrisnin “Nub” apo është thjesht provokimi i tij i rradhës për banorët?
