Aktorja turke Didem Balçin i ka dhënë fund beqarisë dhe ka lidhur kurorë me të fejuarin e saj Can Aydin. Çifti janë martuar ditën e djeshme në një ceremoni private me shumë pak të ftuar. Didem dhe Can kishin planifikuar të martoheshin në qershor, por vendosën ta përshpejtonin për shkak të koronavirusit. Didem Balçin e cila është shumë e njohur në Shqipëri me rolin e “Selxhanit” në serialet “Ertugrul” dhe “Osmani”, dukej shumë e bukur me vello teksa preferoi të mos vishte fustan të bardhë, por një këmishë të gjatë. Aktorja dhe bashkëshorti i saj pozuan me maska në fytyrë, në këtë ceremoni të veçantë të mbajtur në kohë pandemie. Në celebrimin e çiftit ishin të ftuar familjarët dhe miqtë e tyre më të ngushtë./revistawho.com
