Seriali “Cesur dhe e bukura” ka përfunduar transmetimin në Turqi dhe pas serisë së fundit, siç shkruan gazeta Paloma, aktorët kanë dhënë deklarata për median. Ndërkaq një nga anëtarët e stafit, Serengil, ka zbuluar që Kivanç i ka kërkuar regjisorit që një skenë puthjeje të fshihej nga filmi sepse ai nuk ndihej mirë me të.
Sipas Serengil, arsyeja është bashkëshortja e Kivanç-it. “Kam mësuar nga një burim në set se Basak Dizer nuk ka qenë e lumtur nga skena e puthjes së Kivanç Tatlitug me Tuba Buyukustun-in dhe ia ka ndaluar të shoqit këto skena”, ka thënë ai. Ata që nuk janë simpatizantë të bashkëshortes së aktorit, tani do kenë edhe më shumë argumenta kundër saj, megjithatë ky është vetëm një zë i pakonfirmuar. Edhe sikur të jetë nuk duhet harruar që ajo është një grua si gjithë të tjerat që nuk ka si të mos ndihet xheloze për një aktore aq të bukur sa Tuba, e cila është ndarë së fundmi nga bashkëshorti. Për të gjitha këto, spektatorët e dhënë pas telenovelave do kenë një pamje më të qartë kur “Cesur dhe e bukura” ku luan Kivançi dhe Tuba të shfaqet në Shqipëri. Ndërkaq Tuba, edhe pse pati dyshime mos mes dy aktorëve po lindte një simpati gjatë xhirimit të serialit, duke shqetësuar edhe bashkëshorten e Kivanç-it, nëse lajmet janë të vërteta, sipas mediave turke, ka nisur një histori dashurie me Umut Evirgen ndërsa biondi me sy bojëqielli dhe bashkëshortja e tij, thuhet që po përgatiten për të pasur një fëmijë.
