Stilisti i njohur kosovar, Valdrin Sahiti ka qenë së fundmi në një lidhje direkte në ‘Nrg Radio, You&Me Summer Edition’, në një bisedë mjaft të këndshme me Julka Gramon.
I pyetur fillimisht se si e përjetoi vetizolimin, Valdrini pohoi se e kaloi kohën me vajzën e tij, por më pas kjo situatë e lodhi. Sipas tij kjo pandemi ka sjellë dëme shumë të mëdha edhe në ekonominë e biznesit të tij.
Pavarësisht pengesave, ai ka pohuar se puna ka nisur avash avash, ndonëse nuk është më ritmin e njëjtë. Valdrini tregoi se ka udhëtuar drejt Turqisë pasi ka pasur disa bashkëpunime me disa prezantuese dhe artiste të vendit fqinj, për të cilat do të kujdeset për ‘look-un’ e tyre.
Gjatë bisedës stilisti shtoi se në vendin ku punon është përpjekur të mbledhë të gjitha gjërat që e bëjnë të ndihet mirë dhe komod për të krijuar. I pyetur se pa cilin detaj nuk do të mundte të krijonte, Sahiti ka pohuar siluetat, pra format fizike të dukshme.
Ai ka pohuar gjithashtu se po kujdeset për veshjet e disa personazheve të njohur në klipet e tyre, por nuk ka dashur të përmendë asnjë emër pasi është supersticioz./revistawho.com
