Artisti i njohur, Genc Prelvukaj ka arritur të marrë ditën e sotme pasaportën e Shqipërisë. Emocionet e këtij momenti nuk ka mundur të mos i ndajë me të gjithë ndjekësit edhe në rrjetet sociale, duke shkruar fjalët më të ndjera lidhur me këtë moment dhe historinë me të cilën është ndeshur për gjithë këto vite. “Në shtëpinë tonë ky dokument mungoi për 100 vite rresht. I fundit që e kishte, ishte stërgjyshi Mehmeti. Për mua, ky nuk është vetëm dokument udhëtimi, është diçka më shumë, është shpirtërore. E kam dashur Shqipërinë si fëmijë dhe vazhdoj ta dua si i rritur. Është kultura e trashëguar në shtëpi me shekuj. Shumë nga paraardhësit e mi kanë rënë ën fushëbetejë për Shqipërinë dhe ne jemi edukuar në atë frymë. Kam qenë çdo herë qytetar i saj, me emocion dhe zemër, ndërsa nga sot jam edhe me dokumentet e saj. Sot kam marrë pasaportën e Republikës së Shqipërisë”, ka shkruar këngëtari krah fotos ku duket pasaporta shqiptare.
Prelvukaj ka treguar në këtë formë emocionin e rrallë që ka ndjerë në një ditë si kjo duke kujtuar njëherazi dashurinë që i është ushqyer për vendin e tij prej kohësh dhe nga familjarët.
Menjëherë pas këtij postimi në adresën e Gencit kanë mbërritur komente të ndryshme pozitive dhe uruese nga të gjithë ndjekësit e tij virtualë./revistawho.com
https://www.instagram.com/p/B2ocvd0JK5Z/
