Në episodin e ri të “Crypto Friends Podcast”, me Gent Prognin, Eni Shtinin, Xhino Banden dhe Henri Ndrecën është diskutuar mbi Mining, një aktivitet thelbësor në rrjetin Bitcoin dhe Ligjin shqiptar për kriptovalutat.
Mining është mënyra se si rrjeti peer-to-peer verifikon transaksionet dhe arrin konsensus të përbashkët pa kërkuar një autoritet qendror. Mining siguron që vetëm transaksionet legjitime të verifikohen në blockchain të një kriptomonedhe të caktuar. Mining është procesi i sigurimit të një mekanizmi të qëndrueshëm shlyerjeje në një rrjet kriptomonedhë. Minatorët(miners) e kriptomonedhave si Bitcoin zotërojnë kompjuterë që furnizojnë fuqinë e tyre llogaritëse në rrjetin peer-to-peer.
Ndërkohë së fundmi, Kuvendi i Shqipërisë ka miratuar Ligjin për Tregjet Financiare të Bazuara në Teknologjinë e Regjistrave të Shpërndarë, i njohur ndryshe Ligji për Kriptovalutat. Ligji i propozuar nga Ministria e Financave, ka të bëjë me rregullimin e tregut të monedhave dixhitale dhe virtuale, duke nisur nga licencimi i subjekteve që do të ushtrojë një aktivitet të tillë dhe deri tek kushtet e tregtimit të kësaj monedhe.
Për të mësuar më shumë, ju ftojmë të ndiqni episodin e rradhës të Crypto Friends.
