“Squid Game” është seriali më i ri korean në Netflix që u kthye shumë shpejt në më të ndjekurin mes shumë shteteve në botë. Ai i përket kategorive dramë dhe thriller, por duhet theksuar se ka shumë dhunë gjatë ecurisë së ngjarjeve. Në thelb, mbi 400 persona vihen përballë lojrave të vjetra koreane për fëmijë, të cilat janë në funksion të fitores së një shume prej 45 bilion Jen ose e thënë ndryshe 38.7 milionë dollarë.
Performancat e aktorëve protagonistë janë të jashtëzakonshme dhe asgjë nuk shkon siç e pret. Të gjithë luftojnë për jetën e tyre e për çmimin mes lojrave dhe të vëzhguar nga milionerë që vendosin baste mbi ta. Paralelisht, jetët e protagonistëve trajtohen në mënyrën më të bukur, për të treguar arsyet e secilit për të luftuar. Ka vetëm një fitues të madh dhe gjithë të tjerët humbin jetën. Kush është në krye të lojës? Kush i luan si marjoneta? A dalin dot nga ishulli? Çfarë lojrash zhvillohen? Kush fiton? Të gjitha këto marrin përgjigje nëse shikoni filmin./revistawho.com
