Tendencat ndryshojnë çdo vit, ajo çfarë pëlqehet dje nuk pëlqehet më sot dhe e anasjellta. Por disa nga femrat VIP shqiptare kanë vendosur të jenë besnike gjithmonë ndaj të njëjtit ‘look’. Ato qëndruan gjithnjë bionde, duke mos hequr dorë nga ajo ngjyrë dhe tashmë ne nuk mund t’i imagjinojmë dot ndryshe.
Alma Bektashi do të shfaqej që në videoklipet e saj të para me flokë ngjyrë bionde dhe kështu e pamë për shumë gjatë. Dhe kur u rikthye si pjesë e jurisë së ‘The voice of Albania’ ajo qëndroi po njësoj, pa eksperimentuar.
Miriam Cani është një tjetër këngëtare mjaft e dashur, të cilën e pamë gjithmonë shumë të ëmbël. Që prej videoklipit ‘Let me die with you’ apo grupit ‘Preluders’, Miriamin e mbajmë mend vetëm bionde.
Alketa Vejsiu. Nëse kujtojmë ‘Gjeniu i vogël 1’ në vitin 2004, atëherë do të sjellim në mend dhe Alketa Vejsiun si prezantuese të këtij emisioni me flokët ngjyrë bionde. Që prej 2004, formatet që ajo ka drejtuar kanë ndryshuar, por ngjyra e flokëve jo.
Altuna Sejdi do të na vijë në mend në daljet e saj të para me këngën ‘Piroman’. Aty e pamë Tunën bionde dhe që prej atëherë përveç materialeve të ndryshme muzikore që ajo ka sjellë, duket se ngjyra e flokëve nuk ndryshoi asnjëherë.
Marina Vjollca do të shfaqej si velinë e ‘Fiks Fare’ bionde dhe që prej asaj kohe e deri më tani bukuroshen vazhdojmë ta shohim në po këtë ngjyrë flokësh. I shkon aq shumë sa që nuk mund ta imagjinojmë me ngjyrë tjetër.
Adelina Tahiri u shfaq që në videoklipet e saj të para si ‘Mjaft’ apo ‘Mos u kthe’ bionde dhe deri më sot e kemi parë gjithmonë vetëm ashtu.
Klodiana Shala. Atleten e njohur, që prej daljeve të saj të para, e pamë gjithmonë me flokë ngjyrë bionde e kjo nuk ka ndryshuar as sot.
