Themeluesja e “Global Woman” psikologia e njohur shqiptare, Mirela Sula është parë dje në Londër në shoqëri të një zonje, e cila është e njohur në metropolin britanik. Ajo është vjehrra e këngëtares me origjinë shqiptare, Dua Lipa, Rosemary Turner dhe dy mikeshat duken shumë të lumtura në shoqërinë e njëra-tjetrës. Ka qenë vetë Mirela Sula që ka postuar disa foto në profilin e saj në rrjetet sociale.
“Dje pata kënaqësinë të festoj me mikeshën time të jashtëzakonshme Rosemary Reed një nga gratë më frymëzuese dhe mbështetëse që njoh. Ajo është në një mision të fuqishëm për të ndërtuar një platformë dinamike për njerëz të talentuar dhe liderë vizionarë, dhe çdo ngjarje që ajo kuron në Soho House është thjesht brilante. Këtë herë ishte veçanërisht e paharrueshme, pasi Rosemary po intervistonte supermodelen legjendare Tëiggy, një moment ikonik për t’a dëshmuar — vërtet frymëzues!
Ishte gjithashtu kënaqësi e veçantë të takoja edhe Rosemary Turner një grua e fuqishme dhe me projekte të ardhshme tepër speciale dhe emocionuese që janë në horizont. Ndihem veçanërisht mirënjohëse që këto dy gra fenomenale do të jenë si folëse në Samitin Global të Grave që do të mbahet së shpejti.
U kam premtuar të dyja gjithashtu një udhëtim në Shqipëri dhe mezi po pres t’ua tregoj atyre vendin tim të bukur!
Rosemary Turner e ka rritur e vetme djalin e saj, Callum Turner aktorin e famshëm britanik që tashmë është marrosur pas këngëtares shqiptare, Dua Lipa. Mediat britanike e cilësojnë Turner si një nga njerëzit më të rëndësishëm por edhe kyc në jetën dhe edukimin e djalit të saj.
