Një festë e madhe të premten mbrëma në Tiranë mblodhi personazhe të njohur të showbiz-it dhe ‘bloggerat’ më të diskutuar në vend. Hapja e ‘Kava Bistro’ u kthye në një event prestigjioz nga më të bukurit që Tirana ka parë. ‘Kava Bistro’ me një arkitekturë mahnitëse nga Stela Lako është krijuar për nazelinjtë e ushqimit të mirë, verës së rafinuar dhe muzikës ‘live’. Aty performoi Era Rusi që ndezi vendin dhe e veçanta ishte se për të gjithë ‘bloggerat’ e ftuar ishin përgatitur pjata speciale të cilat ata i komentuan në profilet e tyre në rrjetet sociale. Niko Komani, Aulona Musta, Olti Curri, Fatma Haxhialiaj, Sara Kolami e të tjerë dhanë gjykimin e tyre për shijet e pjatave, ku morën notat maksimale. Ky event do te rikthehet çdo jave ne ‘Kava Bistro’. /revistawho.com
