Dasma e modeles së njohur me origjinë braziliane, Isabeli Fontana dhe muzikantit Di Ferrero, edhe pse u festua në ishullin Maldive duket sikur nuk ka ndonjë gjë të jashtëzakonshme apo të paparë deri më sot, por ajo që me të vërtetë ra në sy dhe është komentuar mjaft ka qenë fustani i nuses.
Ky fustan me të vërtet që nuk ka lënë indiferent askënd. Por, përse?
Të thuash tradicional për këtë fustan duket se je jashtë temës, termi i duhur për të do të ishte spektakolar. Ky fustan është një reflektim i stilit shpërthyes që e karakterizon modelen braziliane, që ka treguar në shfaqjet e saj të shumta në tapetin e kuq.
Tërësisht transparent dhe i zbukuruar me mbi më shumë se 10000 kristale të qendisura e formonin gjethen e një palme, fustani e tregonte nusen aq me klas, e cila gjithashtu mbante një bady poshtë fustanit transparent.
Me një fustan kaq pesonal (madje ky është qëllimi i çdo nuseje, kur fillon ta kërkoj atë), pyetja se kush e dizenjuar atë ka qenë e pashmangshme.
Marka ”Água de Coco” ka qenë përgjegjëse për t’i dhënë jetë ëndrrave të modeles, një sfidë që kjo shtëpi mode braziliane krenare e ka treguar në profilin e saj në Instagram.
