Pak ditë më parë, Seldi Qalliu zbuloi se ishte në një lidhje dashurie me modelen e quajtur Cindy. Të ftuar në ‘Ftesë në 5’, dyshja tregoi se janë njohur në ditën e të dashuruarëve në një koncert të Seldit në Itali.
Këngëtari tregoi se ndryshe nga çdo njeri tjetër, Cindy kishte parë tek ai jo faktin e të qenurit artist, por gjithçka tjetër. Së fundmi çifti ka qenë i ftuar në “Why Not” me Roza Latin, ku nuk kanë munguar situatat epike të krijuara në program.
E pyetur se çfarë mendon Cindy për Mimoza Shkodrën, përgjigja ka qenë e menjëhershme dhe i ka surprizuar të gjithë. “Mimoza Shkodra mendoj se është këngëtare shumë e mirë, shumë. Edhe më bëhet qefi që është ndarë se tani Seldi është me mua”, ka pohuar Cindy gjatë intervistës.
Me siguri modelja nuk shqetësohet aspak për të shkuarën e Seldit apo lidhjet e tij të dashurisë dhe këtë e kanë treguar dhe përgjigjet mjaft spontane të saj.
https://www.instagram.com/p/CFXlU-mJzss/?utm_source=ig_web_copy_link
