Ndërkohë që të gjithë janë në pritje të shohin një prej filmave më të përfolur të momentit “50 Shades Darker”, premiera e të cilit është më 8 shkurt, regjisori James Foley ka ftuar një person të veçantë për të parë këtë film.
Në një intervistë të dhënë së fundmi, regjisori ka treguar se presidenti i ri i Amerikës, Donald Trump duhet të shohë patjetër filmin, në mënyrë që të mësojë disa gjëra prej tij.
“Filmi ynë do të zhvillojë mendjen e tij në një mënyrë pozitive pasi ai vërtet ka nevojë për një zhvillim truri”, ka thënë Foley për revistën “Vanity Fair”.
“Duke parë këtë film, mendoj se ai do t’i vlerësojë më shumë marrëdhëniet emocionale mes një burri dhe një gruaje, e cila bazohet në barazi. Ai duhet të vlerësojë dhe të kuptojë se të gjitha marrëdhëniet, pavarësisht rracës, fesë dhe statusit ekonomik kanë të njëjtën rëndësi. E ftoj atë ta shohë këtë film dhe të mësojë rreth marrëdhënieve bazuar në barazi”.
