Në datë 15 korrik koncerti më i madh në vend i organizuar me rastin e 15 vjetorit të platformës ‘Digitalb’ bëri bashkë artistët më të mirë nga Shqipëria dhe Kosova për të dhuruar performanca unike në sheshin ‘Skënderbej’.
Një ndër to ishte dhe këngëtarja e dashur për publikun shqiptar, Elvana Gjata. Ajo performoi disa nga këngët më të mira ndër vite së bashku me trupën e baletit, e cila e shoqëron tashmë Elvanën në çdo dalje publike.
Mirëpo pak më parë, Gjata ka zbuluar me anë të një postimi në ‘Instagram’ se çfarë ndodh realisht ne prapaskenat e një koncerti. “Në fillim po merrnim poza, pastaj na thirrën për të dalë në skenë”,- ka shkruar artistja bashkangjitur fotove të ndryshme që ka publikuar ku dallohet se nga nxitimi janë fotografuar duke vrapuar. Në një prej fotove duket qartë se Elvana dhe grupi i saj i baletit janë shtrirë në tokë.
Mesa duket përveç nxitimit grupi i artistëve edhe janë argëtuar në vrullin e punës pak para se të dilnin në skenë. Kujtojmë se kjo nuk është hera e parë që Elvana zbulon momente nga prapaskenat e xhirimeve dhe daljeve të saj publike.
Pak para se këngëtarja të sillte në treg këngën me titull ‘Mike’ në bashkëpunim me Ledri Vulën dhe John Shahun, publikoi një video e cila u bë virale për dozat e humorit që kishte duke imituar mamanë e saj kur ajo ka qenë e vogël./revistawho.com
