Pas premierës së filmit ‘The Liong King’ të shtunën, Beyonce dhe Jay Z festuan në një ‘party’ të organizuar në Londër. Burime të afërta kanë treguar për ‘Eonline’ se dyshja arriti në festë rreth orës 11 të darkës dhe qëndruan atje deri në orën 4 të mëngjesit. Ata janë parë gjatë gjithë kohës duke shijuar këngët e tyre, ndërsa burimet kanë shtuar se Beyonce ka performuar disa nga projektet e saj muzikore.
37-vjeçarja zgjodhi që gjatë mbrëmjes të ndryshonte fustanin e saj ‘Cong Tri’ me një fustan të mëndafshtë. Këngëtarja e kompletoi ‘look-un’ me një pardesy të artë të Dion Lee dhe një palë syze. Burimet shtuan gjithashtu se ndonëse Beyonce njihet për natyrën e saj të rezervuar, atë mbrëmje e shijoi plotësisht duke u shfaqur e buzëqeshur krah partnerit të saj.
Kujtojmë se pjesë e premierës së filmit të njohur ishin dhe Princ Harry dhe dukesha Meghan Markle, të cilët tërhoqën jo pak vëmendjen e mediave me prezencën e tyre./revistawho.com
