Disa javë më parë Ardit Gjebrea zbuloi moderatoren që do t’i bashkohet këtë vit në drejtimin e festivalit të përvitshëm ‘Kënga Magjike’, e cila ishte bukuroshja e njohur, Adrola Dushi. Ndërsa ditën e sotme ka treguar për të gjithë ndjekësit e kompeticionit rregullat se si do të funksionojë.
“Të hënën dhe të martën, 2 dhe 3 shtator nga ora 10:00 nga 16:00 mirepresim në ‘Tv Klan’ këngët e reja të ‘Kënga Magjike 2019’. Që të dielën e parë të transmentimit, datë 22 shtator do këndojë live jo vetëm këngëtarët ‘New Artist’, por edhe ata ‘Big’. Vlerësimi i telespektatorëve vendos këtë vit se cilët ‘Big’ do të jenë në gjysmëfinale, ndërkohë që juria vendos për ‘New Artist’. Pas 20 vitesh eksperiencë edicioni i 21 do të sjellë të rejat që ndër vite janë diskutuar dhe kërkuar nga vetë artistët dhe publiku”, ka shkruar moderatori i njohur krah postimit të tij më të fundit në ‘Instagram’.
Reagimet e ndjekësve kanë qenë të menjëhershme,duke lënë një sërë komentesh në llogarinë e Arditit. Mënyra e votimit dhe pjesëmarrjes së artistëve ka qenë gjithmonë një nga temat më të diskutuara përsa i përket festivalit të njohur, megjithatë siç duket ky do të jetë viti ku ‘Kënga Magjike’ do të vijë me ndryshime të mëdha./revistawho.com
