Këngëtari i njohur, Alban Skënderaj ka vendosur t’i surprizojë fansat e tij me një projekt të ri muzikor në ditën e të dashuruarve. Këtë detaj e ka zbuluar vetë Skënderaj me anë të postimit të fundit në rrjetet sociale, ku shfaqet i ulur pranë një kitare dhe krah saj shkruan datën e festës së Shën Valentinit.
Albani nuk ka bërë të ditur asnjë detaj tjetër lidhur me këtë postim, megjithatë kaq ka mjaftuar që fansat të kuptojnë se ai do të sjellë një këngë të re javën e ardhshme. Me siguri pas këtij momenti ndjekësit e tij janë mjaft kureshtarë se çfarë ka përgatitur kësaj here këngëtari, megjithatë kjo pritet të zbulohet në vetëm pak ditë.
Kujtojmë se kënga e fundit e tij është ajo ‘Duamë’ në bashkëpunim me bashkëshorten, Miriamin, e cila u kthye në kolonën zanore të verës që lamë pas./revistawho.com
https://www.instagram.com/p/B8RqBuKg46D/
