Fëmijët duhet të pijnë shumë ujë vazhdimisht gjatë gjithë vitit por veçanërisht në verë. Hidratimi që ofron uji i mban ata të shëndetshëm dhe aktivë.
Megjithatë, në shumë raste fëmijët nuk pijnë ujë mjaftueshëm. Sipas ekspertëve, 1 në 5 fëmijë nuk pi ujë mjaftueshëm dhe kjo përbën një sfidë madhore për prindërit.
Dehidratimi tek fëmijët
Ekspertët thonë se dehidratimi tek fëmijët manifestohet me simptoma si plogështi, dhimbje koke dhe padurim.
Në një periudhë afatgjatë, mungesa e këtij lëngu të jetës prek veshkat, mëlçinë, trurin dhe shkakton konstipacion.
Arsyet përse fëmijët nuk e pijnë ujin
Disave nuk u pëlqen shija dhe të tjerë nuk e kuptojnë që organizmi i tyre ka nevojë për ujë.
Një arsye tjetër është se nëse fëmijët mësojnë se uji i rubinetit nuk është i pijshëm, atëherë atyre as nuk u shkon ndërmend të kërkojnë ujë.
Nëse dëshironi të kuptoni nëse fëmija juaj është i dehidratuar, kontrolloni ngjyrën e urinës. Nëse ajo është ngjyrë e errët atëherë fëmija është i dehidratuar. Një fëmijë i dehidratuar është i përgjumur, i ngadaltë dhe me shumë luhatje humori. Ndërsa një fëmijë i hidratuar është energjik dhe plot gjallëri.
Ekspertët thonë se nevojat për ujë të fëmijëve varen nga mosha. Ata duhet të pijnë një gotë me ujë për çdo vit të jetës.
Nëse fëmija juaj kryen aktivitet fizik , ai duhet të pijë gjysmë gote ujë çdo 20 minuta./revistawho.com
