Një dalje e re televizive e Princ Harry-t ka ndezur debatin në mediat ndërkombëtare, me komente që flasin për një tjetër “incident” mes Sussex-it dhe familjes mbretërore. Gjatë një vizite të papritur në “The Late Show with Stephen Colbert”, Harry u shfaq sërish i gatshëm për t’u tallur me politikën amerikane dhe pikërisht aty nisi gjithçka.
Në një skeç humoristik, ai u paraqit duke “audicionuar” për rolin e një princi në një film të tipit Hallmark. Deri këtu, gjithçka dukej një shaka e zakonshme… derisa ai lëshoi batutën e tij provokuese se “Amerika zgjodhi një mbret”, duke iu referuar Donald Trump-it, çka u prit me fishkëllima.
Sipas ekspertëve mbretërorë, deklarata ishte “të turpshme” dhe “të rrezikshme”, ndërsa pretendojnë se vendimi i Harry-t për të përfshirë politikën amerikane mund të ketë pasoja serioze për imazhin e Windsor-ve. Autori Phil Dampier shprehet se Charles dhe William “do të jenë të tmerruar”, madje sugjeron se Harry duhet të humbasë titujt, pasi “tani është thjesht një figurë Hollywood-i”.
Nga ana tjetër, PR-specialisti Mark Borkowski e quajti paraqitjen “të dëshpëruar”, duke pretenduar se Harry po mundohet të gjejë një identitet të ri në SHBA, por ende nuk heq dorë nga përdorimi i famës mbretërore.
Kjo vjen në të njëjtën kohë që raportet e “Daily Mail” treguan se babai i Meghan-it, Thomas Markle, po kalon një gjendje të rëndë pas një operacioni urgjent, çka sipas ekspertëve, e bën daljen televizive “akoma më të papërshtatshme”. Harry zgjodhi të mos komentojë mbi situatën familjare, ndërsa Meghan publikoi në “Instagram” një video promovuese për daljen e tij në emision.
Ndërkohë, fansat presin reagim të ri nga Buckingham Palace megjithëse historia tregon se heshtja, zakonisht, flet më shumë se fjalët.
